Xəbərlər

Saatlı-Sabirabad KOBİM tərəfindən təlim keçirilib

Saatlı-Sabirabad KOBİM tərəfindən təlim keçirilib.

Fevralın 17-də Saatlı-Sabirabad KOB İnkişaf Mərkəzi (#KOBİM) tərəfindən "Antikorrupsiya idarəetmə sistemi beynəlxalq standartının özəl sektorda tətbiqi" ilə bağlı təlim keçirilib. Təlimdə Saatlı və Sabirabad rayonunda fəaliyyət göstərən mikro, kiçik və orta sahibkarlar iştirak edib.

Saatlı-Sabirabad KOBİM-in eksperti tərəfindən təlim zamanı korrupsiya anlayışı və formaları, mübarizə metodları və onun qarşısının alınması, korrupsiya hüquqpozmaları haqqında ətraflı məlumatlandırılıb.

7 iştirakçının olduğu təlim pandemiya qaydalarına uyğun olaraq təşkil edilib.

Təlimin sonunda mövzu ilə bağlı müzakirələr aparılıb və iştirakçıların sualları cavablandırılıb.

Qeyd edək ki, Saatlı-Sabirabad KOBİM-in xidmətlərindən faydalanmaq üçün (+994 51) 242 70 86 nömrəsi ilə əlaqə saxlaya və ya Sabirabad şəhəri Heydər Əliyev prospekti 95 ünvanında yerləşən Mərkəzin ofisinə müraciət edə bilərsiniz.

Saatlı-Sabirabad KOBİM tərəfindən göstərilən bütün xidmətlər ödənişsizdir.