Xəbərlər

Saatlı-Sabirabad KOBİM tərəfindən biznesə başlamaq istəyənlər üçün təlim keçirilib

 

Sentyabrın 25-də Azərbaycan Respublikasının Kiçik və Orta Biznesin İnkişafı Agentliyinin (KOBİA) Saatlı-Sabirabad KOB İnkişaf Mərkəzi (KOBİM) tərəfindən biznesə başlamaq istəyənlər üçün "Öz biznesini başla" mövzusunda təlim keçirilib.

Təlimdə Saatlı-Sabirabad KOBİM-in eksperti tərəfindən biznesdə əsas amil olan etibarlılıq, keyfiyyət, xidmət səviyyəsi haqqında məlumatlar verilib. Eləcə də biznesdə ehtiyacları müəyyən etmək, müştəri məmnuniyyətinin vacibliyi diqqətə çatdırılıb.

10 iştirakçının olduğu təlim pandemiya qaydalarına uyğun keçirilib.

Saatlı-Sabirabad KOBİM tərəfindən göstərilən bütün xidmətlər ödənişsizdir.